Prezident Qirgʻizistonda suv-motor sporti boʻyicha chempionatning ochilishida ishtirok etdi
Gran-pri Xalqaro suv-motor sporti ittifoqi shafeligida oʻtkazilayotgan “suvdagi Formula-1” nomi bilan mashhur boʻlgan F1H2O jahon chempionatining ikkinchi bosqichi hisoblanadi.
Norasmiy Maslahat uchrashuvi doirasida Oʻzbekiston, Qirgʻiziston, Qozogʻiston va Tojikiston Prezidentlari Issiqkoʻlda suv-motor sporti boʻyicha Qirgʻiziston Gran-prisining tantanali ochilish marosimida ishtirok etdilar.
Yetakchilar musobaqa ishtirokchilari va mehmonlarini qutladilar.
Oʻzbekiston Respublikasi Prezidenti Shavkat Mirziyoyev rafiqasi bilan birga sportchilarning saralash poygasini kuzatdi.
Gran-pri Xalqaro suv-motor sporti ittifoqi shafeligida oʻtkazilayotgan “suvdagi Formula-1” nomi bilan mashhur boʻlgan F1H2O jahon chempionatining ikkinchi bosqichi hisoblanadi. Musobaqalarda har yili turli mamlakatlardan professional jamoa va sportchilar ishtirok etadi. Jahon chempionati bosqichi Markaziy Osiyoda ilk bor oʻtkazilmoqda.
Dasturdan mashgʻulotlar, saralash bosqichi hamda soatiga 220 kilometrdan ortiq tezlikda harakatlanuvchi tezyurar qayiqlardagi asosiy poyga oʻrin olgan.
