Prezident Qirgʻizistondagi ilk xalqaro toifadagi golf klubi ochilishida ishtirok etdi

Choʻlponota shahriga tashrif doirasida Oʻzbekiston Respublikasi Prezidenti Shavkat Mirziyoyev Markaziy Osiyo va Ozarbayjon davlat rahbarlari bilan birgalikda Qirgʻizistondagi ilk xalqaro toifadagi golf klubining tantanali ochilish marosimida ishtirok etdi.

Yetakchilar bu yerda barpo etilgan zamonaviy sport va turizm infratuzilmasi bilan tanishdilar. Yangi majmua golfni ommalashtirish, sport turizmini rivojlantirishga xizmat qilishi taʼkidlandi.

Davlat rahbarlari qardosh Qirgʻiz Respublikasi Prezidenti Sadir Japarov va xalqini yangi obʼektning ochilishi bilan tabriklab, mamlakatning turizm salohiyatini rivojlantirishga qaratilgan keng koʻlamli loyihalarni amalga oshirishda muvaffaqiyatlar tiladilar.