AQShda Infantinoning Tramp bilan aloqalari tekshiriladi
Kongressmen Jeymi Raskin Infantinoni tergov doirasida shaxsan guvohlik berishga va Donald Trampga yoki u bilan bogʻliq shaxslarga taqdim etilishi mumkin boʻlgan sovgʻalar, toʻlovlar yoki boshqa imtiyozlar haqida hujjatlarni taqdim etishga chaqirdi.
AQSh Vakillar palatasi aʼzosi Jeymi Raskin FIFA prezidenti Janni Infantinoga nisbatan tergov tashabbusi bilan chiqdi va uning Tramp maʼmuriyati bilan aloqalari tafsilotlarini talab qildi.
TASS xabariga koʻra, kongressmen FIFA rahbariga tegishli xat yubordi.
Raskin FIFA xodimlari va Tramp maʼmuriyati va uning inauguratsiya qoʻmitasi vakillari oʻrtasidagi barcha yozishmalarni, jumladan, Signal, Telegram, WhatsApp xabar almashish ilovalari va X va Truth Social platformalaridagi xabarlarni saqlashni talab qildi.
Bundan tashqari, kongressmen Infantinoni tergov doirasida shaxsan guvohlik berishga va Donald Trampga yoki u bilan bogʻliq shaxslarga taqdim etilishi mumkin boʻlgan sovgʻalar, toʻlovlar yoki boshqa imtiyozlar haqida hujjatlarni taqdim etishga chaqirdi.
Soʻrovda shuningdek, FIFA tadbirlari chiptalari savdosi haqidagi materiallar, AQSh rasmiylari bilan aloqalar haqidagi maʼlumotlar va Tramp tegishli binodagi federatsiya ofisiga tashriflar jurnali ham mavjud.
Eslatib oʻtamiz, CityAm nashri avvalroq Fair Square notijorat tashkiloti Infantinoning xatti-harakatlari boʻyicha Xalqaro Olimpiya Qoʻmitasiga shikoyat qilgani haqida xabar bergan edi.
Nashrning yozishicha, FIFA prezidenti Trampning bosimi ostida 2020 yilda tijorat va siyosiy manfaatlardan mustaqil ravishda harakat qilish haqidagi qasamini buzgan.
