OAV: Eron ikki haftada AQShga 20 mlrd dollarlik zarar yetkazdi
Eron kuchlari mintaqadagi AQSh bazalaridagi oʻnlab qoʻmondonlik markazlari, mudofaa tizimlari, logistika omborlariga zarba bergan.
Ikki hafta davom etgan janglarda Eron AQSh harbiylariga 20 milliard dollardan ortiq zarar yetkazdi.
Bu raqamlar Tasnim axborot agentligi tomonidan Islom inqilobi qoʻriqchilari korpusi vakili Husayn Mohebi bayonotiga asoslanib keltirildi.
Statistik maʼlumotlarga koʻra, 7-31 iyul kunlari Eron kuchlari mintaqadagi AQSh bazalaridagi oʻnlab qoʻmondonlik markazlari, mudofaa tizimlari, erta ogohlantirish radarlari, aloqa markazlari, oʻq-dorilar va yoqilgʻi omborlari, logistika infratuzilmasi, samolyotlar uchun turargohlarga, qiruvchi samolyotlarga, dronlarga va yordamchi uskunalarga hujum qilgan.
Ushbu roʻyxat va AQSh Harbiy departamenti byudjetida va boshqa hujjatlarda eʼlon qilingan uskunalar va infratuzilmaning taxminiy qiymatiga asoslanib, zarar 20 milliard dollarga yetishi mumkin. AQSh moliyaviy yoʻqotishlarining katta qismi armiyaning havo mudofaasi tizimining muhim tarkibiy qismlari hisoblangan Patriot havo mudofaasi raketa tizimlaridan kelib chiqadi.
Taʼkidlanishicha, bu raqam taxminiy boʻlib, AQSh harbiylariga potensial iqtisodiy va harbiy yoʻqotishlar haqida umumiy maʼlumot beradi.
