Xalqaro shaxmat federatsiyasi prezidenti YeI sanksiyasiga uchradi
Arkadiy Dvorkovich shu sabab oʻz vakolatlarini toʻxtatib qoʻyishini eʼlon qildi.
Xalqaro shaxmat federatsiyasi (FIDE) prezidenti Arkadiy Dvorkovich Yevropa Ittifoqi sanksiyalari roʻyxatiga kiritilganidan soʻng oʻz vakolatlarini toʻxtatib qoʻyishini eʼlon qildi.
"Men FIDE prezidenti sifatidagi vakolatlarim va vazifalarimni darhol va Yevropa Ittifoqi sanksiyalari ostida qolgunimcha toʻxtatib turishga qaror qildim", dedi Dvorkovich tashkilot veb-saytida chop etilgan bayonotda.
Yevropa Ittifoqining unga qarshi sanksiyalar qoʻllash toʻgʻrisidagi qarorini "adolatsiz va noqonuniy" deb bilishini taʼkidladi. Shuning uchun u qaror ustidan shikoyat qilish niyatini bildirdi.
FIDE vitse-prezidenti Vishvanatan Anand endi prezident vazifasini bajaruvchi sifatida ishlaydi.
