Shavkat Mirziyoyev jarimalarni tanqid qildi
Prezidentga koʻra, masʼullar jarimalarni kamaytirish boʻyicha takliflar berishi kerak, ularning ongi va tafakkuri oʻzgarishi lozim.
Prezident Shavkat Mirziyoyev tadbirkorlarga qoʻllanilayotgan jarimalarni keskin tanqid qildi.
"322 yoʻnalishda moliyaviy jarima qoʻllash vakolati bor. Endi savol tugʻiladi: qaysidir rahbar jarimaning tadbirkor faoliyatiga taʼsirini oʻrganyaptimi?
Biz jarima solganimiz, ishlatmay qoʻyganimiz bilan qancha odam ishsiz qolyapti, qancha eksport boʻlmayapti?" —deya savol qoʻydi davlat rahbari.
Prezidentga koʻra, masʼullar jarimalarni kamaytirish boʻyicha takliflar berishi kerak, ularning ongi va tafakkuri oʻzgarishi lozim.
Avvalroq Prezident hokimlarni inflyatsiya boʻyicha jiddiy tanqid qilgandi.
Viloyat hokimlari yil boshida inflyatsiyani 3 foizdan oshirmaslikka vaʼda bergan, ammo Sirdaryo viloyati hokimi Erkinjon Turdimovdan boshqa bironta rahbar bunga erisha olmagan.
