Anomal issiqda elektr uzilishi boʻyicha murojaatlar koʻpaydi
Prezident Xalq qabulxonasiga oʻtgan hafta davomida (13-19-iyul) jami 19 890 ta murojaat tushgan. Bola nafaqasi va aliment undirish masalalari hamon dolzarbligicha qolgan.
Oʻtgan hafta davomida (13-19-iyul) jami 19 890 ta murojaat tushgan boʻlib, unda fuqarolar tomonidan 21 282 ta masala koʻtarilgan.
Bola nafaqasi va aliment undirish masalalari hamon dolzarbligicha qolmoqda.
Shuningdek, Oʻzbekiston boʻylab elektr uzilishlari boʻyicha murojaatlar koʻpaygan. Xususan, elektr uzilishlari boʻyicha 1012 ta, elektr obʼektlarini taʼmirlashga oid 356 ta murojaat kelib tushdi.
Eng koʻp murojaat tushgan tashkilotlar:
IHMA (Ijtimoiy himoya milliy agentligi): 3 432 ta
Energetika vazirligi: 2 950 ta
IIV (Ichki ishlar vazirligi): 2 063 ta
MIB (Majburiy ijro byurosi): 1 880 ta
Bosh prokuratura: 1 125 ta
SSV (Sogʻliqni saqlash vazirligi): 1 068 ta.
Eng koʻp murojaat qilingan masalalar:
Bola nafaqasi: 1 750 ta
Aliment undirish: 1 049 ta
Elektr uzilishlari: 1 012 ta
Gaz baloni taʼminoti: 844 ta
Huquqbuzarlikka oid masalalar: 416 ta
Surishtiruv va tergov jarayonlari: 376 ta
Bir martalik moddiy yordam olish: 359 ta
Elektr obʼektlarini taʼmirlash: 356 ta.
