Zangiotadagi zapravkada yongʻin yuz berdi, uch kishi jarohatlandi
Gaz toʻldirish shoxobchasi hududida oʻrnatilgan propan saqlash sigʻimi va propan gaz tashishga moʻljallangan maxsus avtomobilda portlash roʻy bergan.
Zangiotadagi zapravkada yongʻin yuz berdi. Uch kishi jarohatlangan.
16 iyul kuni soat 22:46 da Toshkent viloyati FVBBga, Zangiota tumanidan oʻtgan M-39 avtomobil yoʻlida joylashgan avtomobillarga propan gaz toʻldirish shoxobchasi hududida oʻrnatilgan propan saqlash sigʻimi va propan gaz tashishga moʻljallangan maxsus avtomobilda chaqnash roʻy berganligi toʻgʻrisida xabar kelib tushgan.
Xabarga asosan, qutqaruv boʻlinmalari aytilgan manzilga tezkorlik bilan yetib borishgan. Vaziyat toʻliq nazoratga olingan.
Dastlabki, maʼlumotlarga koʻra uch nafar fuqaro tan jarohati olib, tez tibbiy yordam xodimlari tomonidan birinchi tibbiy yordam koʻrsatish uchun shifoxonaga olib ketilgan.
Hozirda yongʻin toʻliq oʻchirilgani maʼlum qilindi.
