OTMlar uchun kvotalar eʼlon qilindi

OTMlar uchun kvotalar tasdiqladi. Bu haqda Oliy taʼlim vazirligi xabar berdi.

Davlat qabul komissiyasi tomonidan 2026/2027-oʻquv yili uchun davlat oliy taʼlim tashkilotlari umumiy qabul parametrlari, jumladan, quyidagilar tasdiqlandi:

- Axborot texnologiyalari va sunʼiy intellekt yoʻnalishlari uchun davlat granti kvotalari 35 foizga oshirilishi hisobiga ajratilgan qabul parametrlari;

- Bakalavriat va magistratura boʻyicha umumiy qabul parametrlari taʼlim shakllari hamda oʻqitish tillari kesimida;

- Tillar, maxsus pedagogika, sport, sanʼat va boshqa yoʻnalishlarning ixtisoslashuviga koʻra qabul taqsimoti;

- Nogironligi boʻlgan shaxslar uchun qoʻshimcha 2 foizlik davlat granti kvotalari;

- Yetim va ota-ona qaramogʻidan mahrum boʻlgan bolalar uchun qoʻshimcha 1 foizlik davlat granti kvotalari;

- Ichki ishlar organlari xodimlari farzandlari uchun qoʻshimcha 5 foizlik davlat granti kvotalari;

- Qurolli Kuchlar va Milliy gvardiya harbiy xizmatchilari farzandlari uchun davlat granti kvotalari;

- Muddatli harbiy xizmatni oʻtab, tavsiyanomaga ega fuqarolar uchun alohida 5 foizlik qabul koʻrsatkichlari;

-Bojxona organlari xodimlari farzandlari uchun qoʻshimcha 2 foizlik davlat granti kvotalari;

- “Ijtimoiy reyestr”ga kiritilgan oilalar farzandlari uchun qoʻshimcha 10 foizlik davlat granti kvotalari;

- Oʻrmonchilar va ularning farzandlari uchun qoʻshimcha davlat granti asosidagi qabul koʻrsatkichlari;

- Xorijdagi yosh vatandoshlar uchun ajratilgan 30 ta davlat granti oʻrinlari;

- Davlat granti ulushining taʼlim sohalari va bakalavriat yoʻnalishlari boʻyicha taqsimoti;

- Kamida 5 yillik ish stajiga ega fuqarolarni kechki taʼlimga tavsiya etish huquqiga ega vazirlik va idoralar roʻyxati;

- Maktab taʼlimi, sogʻliqni saqlash va sanʼat sohalari uchun maqsadli qabul parametrlari;

- Maktabgacha taʼlim pedagoglari uchun dual taʼlim asosidagi bakalavriat qabul parametrlari;

- Oliy malaka toifasiga ega maktab oʻqituvchilari uchun pedagogika magistraturasiga masofaviy taʼlim boʻyicha maqsadli qabul;

- 5 yillik mehnat stajiga ega xotin-qizlar uchun 2 500 ta alohida toʻlov-kontrakt oʻrni;

- Xotin-qizlar uchun kunduzgi taʼlimga qoʻshimcha 4 000 ta davlat granti;

- Green University uchun vakant davlat buyurtmasi oʻrinlari hisobidan 100 ta qabul parametri;

- Qirgʻiziston, Qozogʻiston, Tojikiston va Moʻgʻuliston fuqarolari uchun davlat granti asosidagi qabul koʻrsatkichlari.