Strategik rivojlanish va islohotlar agentligi direktoriga oʻrinbosarlar tayinlandi
Abdulla Abduqodirov agentlik direktorining birinchi oʻrinbosari lavozimini egalladi. U avval ushbu agentlikka rahbarlik ham qilgandi.
Prezident huzuridagi Strategik rivojlanish va islohotlar agentligi direktoriga oʻrinbosarlar tayinlandi.
Oʻzbekiston Respublikasi Prezidenti Administratsiyasi rahbarining farmoyishi bilan:
Abdulla Mamasaatovich Abduqodirov Prezident huzuridagi Strategik rivojlanish va islohotlar agentligi direktorining birinchi oʻrinbosari lavozimiga tayinlandi;
Tohirjon Baxodirovich Safarov Prezident huzuridagi Strategik rivojlanish va islohotlar agentligi direktorining oʻrinbosari lavozimiga tayinlandi va shu munosabat bilan Oʻzbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamenti shoʻba mudiri lavozimidan ozod etildi.
Avvalroq Sardor Umrzoqov Strategik rivojlanish va islohotlar agentligi direktori etib tayinlangandi.
