Sanʼat Jumaniyazov Yangiyoʻl tumaniga hokim etib tayinlandi
U shu paytga qadar Vazirlar Mahkamasida masʼul lavozimda ishlab kelgan.
Yangiyoʻl tumaniga yangi hokim tayinlandi.
Xalq deputatlari tuman Kengashining navbatdan tashqari sessiyasi yakunlandi. Sessiyada Toshkent viloyati hokimi Zoyir Mirzayev tumanni ijtimoiy-iqtisodiy rivojlantirish boʻyicha belgilangan vazifalar ijrosi yuzasidan tanqidiy-tahliliy maʼruza qildi.
Sessiyada tashkiliy masala koʻrildi. Tuman hokimi lavozimida ishlab kelgan Ataullayev Odiljon Qosimovich egallab turgan lavozimidan ozod etildi.
Zoyir Mirzayev Yangiyoʻl tumani hokimi lavozimiga shu paytga qadar Vazirlar Mahkamasida masʼul lavozimda ishlab kelayotgan Sanʼat Shakirovich Jumaniyazov nomzodini tavsiya qildi.
Xalq deputatlari tuman Kengashi deputatlari tomonidan Sanʼat Jumaniyazov Yangiyoʻl tumani hokimi etib tasdiqlandi.
Avvalroq Bekobod tumaniga hokim tayinlangandi.
