Narimonjon Ismoilov Bekobod shahri hokimi etib tayinlandi
Avval bu lavozimda Nasrulla Babayev ishlab kelgandi.
Bekobod shahriga yangi hokim tayinlandi.
Bekobod shahrida Xalq deputatlari shahar Kengashining navbatdan tashqari sessiyasi boʻlib oʻtdi.
Sessiya ishida Toshkent viloyati hokimi Zoyir Mirzayev shaharni ijtimoiy-iqtisodiy rivojlantirish boʻyicha belgilangan vazifalar ijrosida yoʻl qoʻyilgan kamchiliklar va navbatdagi muhim vazifalar yuzasidan tahliliy maʼruza qildi.
Sessiyada tashkiliy masala koʻrildi.
Shahar hokimi lavozimida ishlab kelgan Babayev Nasrulla Nurillayevich egallab turgan lavozimidan ozod etildi.
Zoyir Mirzayev Bekobod shahar hokimi lavozimiga Ismoilov Narimonjon Noʻmonovich nomzodini tavsiya qildi.
Xalq deputatlari shahar Kengashi deputatlari tomonidan Narimon Ismoilov Bekobod shahri hokimi etib tasdiqlandi.
