Pulli parkovkaga haq toʻlamaganlik uchun jarima joriy qilish taklif etildi
Toshkent shahridagi pulli avtoturargohlardan kuniga taxminan 15 000 nafar haydovchi foydalanmoqda. Shulardan faqat 2–3 foizigina pul toʻlayotgani aytildi.
Pulli parkovkaga haq toʻlamaganlik uchun jarima joriy qilish taklif etildi.
Yoʻl boʻyidagi pulli avtoturargohlardan foydalanganlik uchun toʻlovni qonunchilikda belgilangan muddatda toʻlamaslik yoki toʻlashdan boʻyin tovlash fuqarolarga bazaviy hisoblash miqdorining (BHM) ikki baravari miqdorida (amalda 824 ming soʻm) jarima solinishiga sabab boʻlishi mumkin.
Toshkent shahar hokimligi Maʼmuriy javobgarlik toʻgʻrisidagi kodeksga tegishli qoʻshimcha kiritishga oid hujjat loyihasini jamoatchilik muhokamasi uchun eʼlon qildi.
Hokimlikka koʻra, hozirgi kunda Toshkent shahridagi pulli avtoturargohlardan kuniga taxminan 15 000 nafar haydovchi foydalanmoqda.
Shulardan faqat 2–3 foizi, yaʼni 300–450 nafar atrofidagi haydovchi xizmat haqini toʻlamoqda.
Shuningdek, bir oy davomida bu xizmatdan taxminan 465 000 nafar haydovchi foydalanadi va ulardan faqat 9 300 – 13 950 nafari toʻlovni amalga oshiradi.
