Taniqli shoir Ikrom Otamurod vafot etdi
Ikrom Otamurod faoliyati davomida U. Uitmen, P. Neruda, Oʻ. Sulaymon, Ye. Yevtushenko kabi shoirlarning sheʼr va dostonlarini oʻzbek tiliga tarjima qilgan.
Oʻzbekiston Yozuvchilar uyushmasi jamoasi uyushma aʼzosi, Oʻzbekistonda xizmat koʻrsatgan madaniyat xodimi, taniqli shoir Ikrom Otamurod vafot etdi. Bu haqda Yozuvchilar uyushmasi maʼlum qildi.
Ikrom Otamurod 1951 yil 5 mayda Qashqadaryo viloyatining Kasbi tumanidagi Kasbi qishlogʻida tugʻilgan. ToshDUning jurnalistika fakultetida taxsil olgan (1969—74).
Dastlabki sheʼriy toʻplami — «Vaqt ranglari» (1982). Shundan soʻng shoirning «Janub qushlari» (1983), «Toʻrgʻayli manzillar» (1984), «Ufqlar orti bepoyon» (1987), «Ruhimning qaygʻusi» (1995), «Sen» (1999), «Kanglum, oʻzing» (2002), «Tavr» (2005) kabi sheʼriy kitoblari nashr etilgan. Bir nechta dostonlar ham yozgan («Yarador umid otlari», 1986; «Uzoqlashayotgan ogʻriq», 1990; «Sopol siniqlari», 1994; «Aning umidi», «Xaritaga tushmagan joy», 1992; «Tanazzul» va boshqa).
M. Darvish, M. Bsisu, U. Uitmen, P. Neruda, Oʻ. Sulaymon, Ye. Yevtushenko kabi shoirlarning sheʼr va dostonlarini oʻzbek tiliga tarjima qilgan.
