Shavkat Mirziyoyev Si Szinpinga hamdardlik bildirdi
Xitoy janubi-sharqidagi fabrikada yuz bergan yongʻinda kamida 28 kishi halok boʻldi.
Oʻzbekiston Prezidenti Shavkat Mirziyoyev Guansi-Chjuan avtonom rayonidagi suv toshqinlari hamda Futszyan provinsiyasida yuz bergan kuchli yongʻin oqibatida koʻplab insonlar halok boʻlgani, jiddiy jarohat olgani va katta talafot koʻrilgani munosabati bilan Xitoy Xalq Respublikasi Raisi Si Szinpinga hamdardlik yoʻlladi.
Davlatimiz rahbari vafot etganlarning oila aʼzolari va yaqinlariga sabr-toqat, jarohat olganlar tez fursatda sogʻayib ketishini tiladi.
Eslatib oʻtamiz, Xitoyning janubi-sharqidagi poyabzal fabrikasida sodir boʻlgan yongʻinda kamida 28 kishi halok boʻldi.
Yongʻin sodir boʻlgan Jinjiang shahri koʻpincha Xitoyning "poyabzal poytaxti" deb ataladi, chunki u dunyodagi sport poyabzallarining 20% gacha ishlab chiqaradi.
