Madaniyat vaziriga yangi oʻrinbosarlar tayinlandi
Nodirbek Sayfullayev madaniyat vazirining birinchi oʻrinbosari lavozimiga tayinlandi. Jahongir Ahmedov esa madaniyat vazirining birinchi oʻrinbosari – Kinematografiya agentligi direktori lavozimini egalladi.
Madaniyat vazirligi rahbariyatida yangi tayinlovlar amalga oshirildi.
Oʻzbekiston Respublikasi Prezidentining tegishli qarorlari bilan:
Nodirbek Baxtiyorovich Sayfullayev madaniyat vazirining birinchi oʻrinbosari lavozimiga tayinlandi;
Jahongir Odilxoʻjayevich Axmedov madaniyat vazirining birinchi oʻrinbosari – Oʻzbekiston Respublikasi Madaniyat vazirligi huzuridagi Kinematografiya agentligi direktori lavozimiga tayinlandi;
Odiljon Abdugʻaniyevich Abduqahorov madaniyat vazirining oʻrinbosari lavozimiga tayinlandi;
Sanjar Baxtiyorovich Bobojonov madaniyat vazirining oʻrinbosari lavozimiga tayinlandi va shu munosabat bilan Oʻzbekiston Respublikasi Prezidentining madaniyat boʻyicha vakili boʻlinmasining bosh inspektori lavozimidan ozod etildi.
Boshqa ishga oʻtishi munosabati bilan Baxodir Majitovich Axmedov, Avazxon Baxadirovich Tajixanov Oʻzbekiston Respublikasi madaniyat vazirining birinchi oʻrinbosari lavozimidan, Murodjon Abdullayevich Majidov, Yusufjon Kamoldinovich Usmonov madaniyat vazirining oʻrinbosari lavozimidan ozod etildi.
