AQShda oʻzbekistonlik haydovchi ishtirokidagi YTHda sportchi halok boʻldi
Ogayo shtatida yuk mashinasini boshqarayotgan 42 yoshli Oʻzbekiston fuqarosi 21 yoshli darvozabon Tobias Forsaytning mashinasi bilan toʻqnashdi.
AQShda Oʻzbekiston fuqarosi boshqargan yuk mashinasi YTH sodir etdi, natijada bir nafar sportchi halok boʻldi.
AQShning Ogayo shtatida yuk mashinasini boshqarayotgan 42 yoshli Oʻzbekiston fuqarosi 21 yoshli darvozabon Tobias Forsaytning mashinasi bilan toʻqnashdi. Yosh futbolchi baxtsiz hodisada halok boʻldi.
Tergov maʼlumotlariga koʻra, baxtsiz hodisadan soʻng haydovchi dalillarni yoʻq qilish maqsadida telefonlari, videokameralari va boshqa elektron qurilmalarini sindirib tashlagan. Politsiya u bilan Gugl Tarjimon orqali bogʻlanishga majbur boʻldi.
Hodisadan soʻng, AQSh transport vaziri yuk mashinalari haydovchilari yoʻl belgilarini tushunishi va yetarli darajada ingliz tilini bilishi kerakligini aytdi.
Mamlakat shuningdek, til talablarini kuchaytirmoqda va haydovchilarni kuzatib bormoqda.
