Tez yordam mashinalariga yozilgan 1,2 ming jarima bekor qilindi
Poytaxtlik fuqaro muammo sabab Prezident Xalq qabulxonasiga yordam soʻrab murojaat qilgan.
Tez yordam mashinalariga belgilangan 1,2 ming jarima bekor qilindi.
Toshkent shahrida yashovchi fuqaro oʻz korxonasiga qarashli tez yordam mashinalariga yozilgan 1200 ta maʼmuriy jarimani bekor qildirish uchun bir necha bor masʼul tashkilotlarga murojaat qilgan.
Biroq muammo oʻz yechimini topmagani uchun Prezident Xalq qabulxonasiga yordam soʻrab murojaat qilgan.
Murojaat Prezident Xalq qabulxonasi tomonidan belgilangan tartibda koʻrib chiqilib, atroflicha oʻrganildi. Jarayonda masʼul idoralarga jarimalarni bekor qilish yuzasidan tegishli koʻrsatmalar yuborildi.
Koʻrilgan choralar natijasida 2026 yil 23 iyun kuni tez yordam mashinalariga yozilgan barcha jarimalar bekor qilindi va murojaatchining masalasi ijobiy hal etildi.
Prezident Xalq qabulxonasi fuqarolar murojaatlarini qonuniy, xolis va adolatli koʻrib chiqish hamda ularning muammolariga amaliy yechim topish borasidagi ishlarni davom ettiradi.
