Avtomobil ehtiyot qismlari bozoridagi jinoiy guruhga hukm oʻqildi
Ayrim sudlanuvchilar (muqaddam sudlangani bois) tayinlangan jazoni qattiq tartibli, ayrimlari umumiy tartibdagi jazo koloniyalarida oʻtashi belgilandi.
Uchtepa tumanidagi "Avtomobil ehtiyot qismlari bozori"da noqonuniy faoliyat olib borgan jinoiy guruhga sud hukmi chiqarildi.
Bugun jinoyat ishlari boʻyicha Uchtepa tuman sudida 14 nafar sudlanuvchiga doir jinoyat ishi yuzasidan sud hukmi oʻqildi. Bu haqda Toshkent shahar sudlari xabar berdi.
“Avtomobil ehtiyot qismlari bozori” hududida tovlamachilik bilan shugʻullanganlikda ayblangan sudlanuvchilarga, jinoiy xatti-harakatlaridan kelib chiqib, 3 yildan 6,5 yilgacha boʻlgan muddatga ozodlikdan mahrum etish jazolari tayinlandi.
Ayrim sudlanuvchilar (muqaddam sudlangani bois) tayinlangan jazoni qattiq tartibli, ayrimlari umumiy tartibdagi jazo koloniyalarida oʻtashi belgilandi.
Sud jarayoni yakunida raislik etuvchi sudya tomonidan hukm mazmuni, unga nisbatan shikoyat berish tartibi va muddatlari tushuntirildi, deyiladi xabarda.
