Baxtiyor Saidov Eron tashqi ishlar vaziri bilan muloqot oʻtkazdi
Unda Yaqin Sharqdagi ziddiyatni yakunlashga qaratilgan kelishuvlarni amalga oshirish bosqichlari yuzasidan maʼlumot olindi hamda mintaqadagi mavjud vaziyat yuzasidan fikr almashildi.
Oʻzbekiston tashqi ishlar vaziri Baxtiyor Saidov eronlik hamkasbi Sayyid Abbos Aroqchi bilan telefon orqali muloqot oʻtkazdi.
Suhbat davomida Yaqin Sharqdagi ziddiyatni yakunlashga qaratilgan kelishuvlarni amalga oshirish jarayonining soʻnggi bosqichlari yuzasidan maʼlumot olingan hamda mintaqadagi mavjud vaziyat yuzasidan fikr almashildi.
Oʻzbekistonning mintaqadagi keskinlikni yumshatishga qaratilgan diplomatik saʼy-harakatlarni izchil qoʻllab-quvvatlashini yana bir bor taʼkidlab, muloqotni davom ettirish va erishilgan kelishuvlarni izchil amalga oshirish muhimligini qayd etildi.
"Shuningdek, Oʻzbekiston–Eron munosabatlarini yanada mustahkamlash masalalarini muhokama qilib, oʻzaro manfaatli yoʻnalishlar boʻyicha yaqin muloqotni davom ettirishga kelishib oldik", deya taʼkidlaydi Saidov.
