Londonda daʼvogar sunʼiy intellekt yordamida sudda gʻalaba qozondi

Angliya yuridik amaliyotida birinchi marta sud materiallari toʻliq sunʼiy intellekt yordamida tayyorlangan ish boʻyicha qaror chiqardi.

Sunʼiy intellekt tizimi 7000 funt sterling miqdoridagi qarzni undirish uchun barcha sudgacha boʻlgan tayyorgarlik ishlarini mustaqil ravishda olib bordi va daʼvogarning London sudida gʻalabasini taʼminladi. Bu haqda The Guardian xabar berdi.

Daʼvogar, mustaqil HR maslahatchisi Tamires Kamal Takidir Garfield AI kompaniyasiga yuridik xat yozish va daʼvo arizasi berish uchun taxminan 400 funt sterling toʻladi.

Kompaniyaning texnologiyasi 2024 yil aprel oyida Advokatlarni tartibga solish organi tomonidan 10 000 funt sterlinggacha boʻlgan qarzlarni undirish uchun ruxsat berilgan.

Sunʼiy intellekt tizimi uch soatlik sud majlisi uchun guvohlarning koʻrsatmalari va toʻliq hujjatlar toʻplamini tayyorladi. Sudda daʼvogarni himoya qilish uchun doimiy advokat yollangan.

Taʼkidlanishicha, ushbu texnologiya ilgari sud jarayonining yuqori xarajatlari tufayli qarzlarni hisobdan chiqargan koʻplab kichik bizneslar uchun adolatni taʼminlash imkonini beradi.