Abdulla Aripov Qirgʻizistonga bordi
Uchrashuvlar davomida ikki tomonlama hamkorlikning asosiy yoʻnalishlari muhokama qilinadi va bir qator hujjatlar imzolanadi.
Oʻzbekiston Bosh vaziri Abdulla Aripov Qirgʻizistonga ishchi tashrif bilan bordi. Bu haqda Qirgʻiziston Vazirlar Mahkamasi matbuot xizmati xabar berdi.
Uni Issiqkoʻl xalqaro aeroportida Bosh vazir Adilbek Qosimaliyev kutib oldi.
3 iyun kuni Qosimaliyev va Aripov hamraislik qiladigan Ikki tomonlama hamkorlik boʻyicha hukumatlararo qoʻshma komissiyaning 12-yigʻilishi tor va kengaytirilgan tarkibda boʻlib oʻtadi.
Uchrashuvlar davomida ikki tomonlama hamkorlikning asosiy yoʻnalishlari muhokama qilinadi va bir qator hujjatlar imzolanadi.
