Rossiyada maktab oʻquvchilariga arab tili oʻqitiladi
Darslar yangi oʻquv yilidan boshlanadi. Rossiyalik rasmiylar bu haqda BAA vakillari bilan uchrashuvda maʼlum qilgan.
Rossiya maktab oʻquvchilari 1 sentabrdan arab tilini oʻrganishni boshlaydilar.
Rossiya taʼlim vaziri Sergey Kravsov yangi oʻquv yilining 1 sentabr kunidan boshlanadigan rus maktablarida arab tili dasturini tasdiqladi, deb xabar berdi vazirlik matbuot xizmati.
"Rossiya maktablarida arab tili dasturi tasdiqlandi va yangi oʻquv yilining 1 sentabridan boshlanadi", deb eʼlon qildi Kravsov BAA taʼlim vaziri Sara bint Yusef al-Amiri va BAAning Rossiyadagi elchisi Muhammad Ahmad Aljaber bilan ishchi uchrashuvda.
Tomonlar Moskva viloyatidagi Primakov gimnaziyasida joylashgan Shayxa Fotima bint Muborak taʼlim markazi faoliyatini muhokama qilishdi.
Taʼlim muassasasi ikki mamlakat prezidentlarining buyrugʻi bilan tashkil etilgan va taxminan ikki yildan beri faoliyat yuritib kelmoqda. Sergey Kravsov taʼkidlaganidek, bu davrda markaz arab tili olimpiadasini boshladi.
Bundan tashqari, rus xalq ertaklari, Rossiya haqidagi kitob va rus yozuvchilarining asarlari tayyorlandi va arab tiliga tarjima qilindi. Ushbu nashrlar BAAga sovgʻa qilindi.
