Xorazmda hokim yordamchisi qoʻlga olindi
U Toshkent gumanitar fanlar universitetiga oʻqishga kiritib qoʻyishini aytib, 1 400 dollar olayotganda ushlangan.
Oʻqishga kiritishni vaʼda qilgan hokim yordamchisi ushlandi.
Bosh prokuratura huzuridagi Departamentning Xorazm viloyati boshqarmasi va boshqa huquqni muhofaza qiluvchi organ xodimlari hamkorligida tezkor tadbir oʻtkazildi.
Unda Hazorasp tumani “Ziyolilar” MFY hokim yordamchisi I.R. fuqaro D.R.ni Toshkent gumanitar fanlar universitetiga oʻqishga kiritib qoʻyishini aytib, 1 400 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.
