Toshkent koʻchalaridan biriga Mustafo Kamol Otaturk nomi beriladi
Koʻcha Yashnobod tumanida barpo etilayotgan “Oʻzbek-turk doʻstligi” xiyoboniga yondosh hududda boʻladi.
Toshkentdagi koʻchalardan biriga Mustafo Kamol Otaturk nomi beriladi.
“Toshkent shahridagi koʻchalardan biriga Mustafo Kamol Otaturk nomini berish toʻgʻrisida”gi Prezident qarori (PQ–226-son, 15.06.2026 y.) qabul qilindi.
Qarorga koʻra, koʻcha Toshkent shahri Yashnobod tumanida boʻladi.
Tumanda barpo etilayotgan “Oʻzbek-turk doʻstligi” xiyoboniga yondosh boʻlgan Abdulla Qodiriy koʻchasining bir qismiga (Istiqbol, Fargʻona yoʻli va Nukus koʻchalari kesishmasidan Abdulla Qodiriy koʻchasi va Mahtumquli shohkoʻchasi kesishmasigacha) Mustafo Kamol Otaturk nomi beriladi.
