Oʻzbekistonlik hakamlar Shotlandiya — Marokash uchrashuvini boshqarib boradi
Ilgiz Tantashevga qanotlarda Andrey Sapenko va Timur Gaynullin yordam beradi.
Ilgiz Tantashev boshchiligidagi hakamlar jamoasi mundialdagi ilk tayinlovni oldi.
AQSh, Kanada va Meksikada oʻtayotgan FIFA Jahon chempionati bahslari qizgʻin pallaga kirib bormoqda.
Musobaqaning navbatdagi uchrashuvlaridan biri oʻzbekistonlik hakamlar jamoasiga ishonib topshirildi.
FIFA hakami Ilgiz Tantashev boshchiligidagi hakamlar jamoasi 20 iyun kuni Toshkent vaqti bilan soat 03:00 da boʻlib oʻtadigan Shotlandiya — Marokash uchrashuvini boshqarib boradi.
Hamyurtimizga qanotlarda Andrey Sapenko va Timur Gaynullin yordam beradi.
