Saida Mirziyoyeva giyohvandlikka qarshi kurash masalasini shaxsan nazoratiga olganini maʼlum qildi

Prezident giyohvandlik vositalari savdosiga qarshi murosasiz kurashish va jamiyatni ushbu tahdiddan himoya qilishga qaratilgan qonunni imzoladi.

Giyohvandlik moddalari inson hayoti, oilalar va bolalar salomatligini barbod qiladi. Bu — mamlakat genofondi hamda uning kelajagiga berilgan toʻgʻridan-toʻgʻri zarba.

Yangi qonunda narkotiklarni tarqatishning zamonaviy usullarini jilovlash koʻzda tutilgan, bunday jinoyatlar uchun jazo choralari kuchaytirilgan va voyaga yetmaganlarni himoya qilishga alohida eʼtibor qaratilgan.

Prezident administratsiyasi rahbari Saida Mirziyoyeva ushbu masalani shaxsan oʻz nazoratiga olganini bildirdi.

"Bu kurashda chetda tomoshabin boʻlib turishga hech kimning haqqi yoʻq. Zero, juda koʻp narsa oʻzimizga — ota-onalarga, maktab va mahallaga hamda yon-atrofidagi hodisalarga befarq boʻlmagan har bir insonga bogʻliq", deydi Saida Mirziyoyeva.