Andijondagi tibbiyot birlashmasida 4 xodim halok boʻldi

Marhamat tumanidagi tibbiyot birlashmasining 4 nafar texnik xodimi halok boʻldi.

Marhamat tumanidagi Markaziy poliklinika hududida sodir boʻlgan baxtsiz hodisa oqibatida tibbiyot birlashmasining 4 nafar texnik xodimi halok boʻldi.

Rasmiy maʼlumotga koʻra, hodisa 10 iyun kuni Marhamat tuman tibbiyot birlashmasiga qarashli muassasa hududida xizmat vazifalarini bajarish jarayonida yuz bergan. Oqibatda texnik xodimlar I. Nishonov, M. Matxoliqov, Q. Mamajonov hamda L. Qosimov vafot etgan.

Dastlabki maʼlumotlarga koʻra, hodisa ehtiyotsizlik oqibatida sodir boʻlgan. Mazkur holat yuzasidan jinoyat ishi qoʻzgʻatilib, hozirda tergov-surishtiruv ishlari olib borilmoqda. Hodisaning kelib chiqish sabablari va unga sabab boʻlgan omillar qonunchilikda belgilangan tartibda oʻrganilmoqda.