Saida Mirziyoyeva AQSh savdo vaziri oʻrinbosari bilan uchrashdi
Tomonlar Oʻzbekiston va AQSh oʻrtasidagi hamkorlik, savdo, investitsiyalar hamda sheriklikning yangi yoʻnalishlari xususida fikr almashdi.
Saida Mirziyoyeva AQSh savdo vaziri oʻrinbosari Devid Fogel bilan uchrashdi.
Tomonlar Oʻzbekiston va AQSh oʻrtasidagi hamkorlik, jumladan, savdo, investitsiyalar hamda sheriklikning yangi yoʻnalishlari xususida fikr almashdi.
“Hozirda Amerika biznes doiralari mamlakatimizdagi investitsiyaviy va infratuzilmaviy loyihalarga tobora katta qiziqish bildirmoqda. Ushbu eʼtibor yaqin istiqbolda aniq kelishuvlar, yangi ish oʻrinlari va iqtisodiyot uchun keng imkoniyatlarga aylanishi juda muhim”, — dedi Prezident Administratsiyasi rahbari Saida Mirziyoyeva.
Shuningdek, suhbat chogʻida ikki mamlakat tadbirkorlari oʻrtasida oʻzaro manfaatli muloqotni va amaliy aloqalarni yoʻlga qoʻyishga koʻmaklashib kelayotgan Amerika–Oʻzbekiston ishbilarmonlik va investitsiya kengashi faoliyati alohida koʻrib chiqildi.
