Andijon viloyati hokimiga ikki oʻrinbosar tayinlandi
Elmurod Ismoilov Andijon viloyat hokimining oʻrinbosari-viloyat investitsiyalar, sanoat va savdo boshqarmasi boshligʻi etib tayinlandi.
Otabayev Abdusattor Xalimjonovich Andijon viloyati hokimining jamoat va diniy tashkilotlar bilan aloqalar boʻyicha oʻrinbosari etib tayinlandi.
Otabayev Abdusattor Xalimjonovich 1976 yilda Namangan viloyati Toʻraqoʻrgʻon tumanida tugʻilgan. 1998 yilda Namangan muhandislik pedagogika institutini (kunduzgi) tamomlagan.
Ushbu lavozimga tayinlanguniga qadar, 51411-sonli harbiy qismi kontrakt boʻyicha harbiy xizmatchisi vazifasida faoliyat olib borgan.
Ismoilov Elmurod Roʻziboyevich Andijon viloyat hokimining oʻrinbosari-viloyat investitsiyalar, sanoat va savdo boshqarmasi boshligʻi etib tayinlandi.
Ismoilov Elmurod Roʻziboyevich 1987 yilda Asaka tumanida tugʻilgan. 2014 yilda Andijon qishloq xoʻjaligi institutini (kunduzgi) tamomlagan.
Ushbu lavozimga tayinlanguniga qadar, Andijon viloyati hokimligi investitsiyalar, sanoat va savdo masalalari boʻyicha kotibiyati mudiri vazifasida faoliyat olib borgan.
