Tramp: 2028 yilgi saylovlarda Vens-Rubio tandemini yutish deyarli imkonsiz boʻladi
AQSh rahbari avval ham bu ikki siyosatchi saylovlarda qatnashishi kerakligi haqida gapirgandi.
Agar AQSh Davlat kotibi Marko Rubio va vitse-prezident J.D. Vens prezidentlik saylovlarida birgalikda ishtirok etsalar, ularning tandemini magʻlub etish deyarli imkonsiz boʻladi. Bu haqda Prezident Donald Tramp New York Post nashriga maʼlum qildi.
"Menimcha, J.D. Vens va Rubioni bir jamoa sifatida magʻlub etish juda qiyin boʻladi", dedi u. "Men ularning birgalikda ishlashini va juda yaxshi til topishishini kuzatganman", deya qoʻshimcha qildi Amerika yetakchisi.
AQSh prezidentlik saylovlarida nomzod vitse-prezidentlikka nomzod bilan birga ishtirok etadi.
Keyingi prezidentlik saylovlari 2028 yilda boʻlib oʻtadi.
Tramp ilgari Vens va Rubio keyingi saylovlarda respublikachilar partiyasidan prezidentlikka nomzod boʻlish uchun birgalikda ishtirok etishlari kerakligi haqidagi fikrini bildirgan edi. Baʼzi ommaviy axborot vositalari ikki siyosatchi prezidentlikka kim nomzod boʻlishi borasida kurash olib borayotganini taʼkidlamoqda. Rubioni Vashingtondagi koʻplab respublikachi Kongress aʼzolari qoʻllab-quvvatlaydi, Vens esa Vashington elitasiga qaraganda viloyat respublikachi saylovchilari uchun koʻproq nomzod hisoblanadi.
