Oʻzbekiston va Gonkong oʻzaro vizasiz rejim joriy etishi mumkin
Tashqi ishlar vaziri Baxtiyor Saidov Toshkentda Gonkong maxsus maʼmuriy hududi Administratsiyasi rahbari bilan uchrashdi.
Oʻzbekiston va Gonkong oʻzaro vizasiz rejim joriy etishi mumkin.
TIV rahbari Baxtiyor Saidov Toshkentda Gonkong maxsus maʼmuriy hududi Administratsiyasi rahbari Jon Li Kachchiu bilan uchrashdi.
Gonkong rahbarining tashrifi Oʻzbekiston–Xitoy oʻrtasidagi barcha sharoitlarda har tomonlama strategik sheriklik munosabatlarini mustahkamlaydi.
Muzokaralar davomida investitsiyalar, moliya, raqamlashtirish, sunʼiy intellekt, transport va logistika sohalaridagi istiqbolli yoʻnalishlarni muhokama qilindi.
Gonkongning xalqaro moliya va biznes markazi sifatidagi tajribasi hamda salohiyati Oʻzbekiston iqtisodiyotini modernizatsiya qilish va ilgʻor loyihalarni roʻyobga chiqarishda muhim oʻrin tutishini taʼkidlandi.
Shuningdek, hududlararo sheriklikni rivojlantirish, ishbilarmon doiralar oʻrtasidagi bevosita muloqotlarni kengaytirish va qoʻshma tashabbuslarni ilgari surish masalalari yuzasidan fikr almashildi.
Uchrashuv davomida Oʻzaro vizasiz rejimni oʻrnatish toʻgʻrisidagi hukumatlararo Bitimni tuzish niyati boʻyicha Verbal notalar almashildi.
