Sergelida tunu kun ishlovchi yangi turizm koʻchasi tashkil etiladi
Koʻchadagi obodonlashtirish, koʻkalamzorlashtirish va zamonaviy infratuzilma yaratish ishlarini moliyalashtirish uchun 5 mlrd soʻm mablagʻ ajratiladi.
Toshkentning Sergeli tumanida 24/7 rejimida ishlovchi yangi turizm koʻchasi tashkil etiladi.
Toshkent shahar hokimi Shavkat Umrzoqov Sergeli tumanida zamonaviy turizm infratuzilmasini yaratishga oid muhim qarorni imzoladi. Unga koʻra, tumandagi Yangi Sergeli koʻchasida 24/7 rejimida tunu kun ishlaydigan turizm koʻchasi barpo etiladi.
Koʻchadagi qurilish-taʼmirlash, obodonlashtirish, koʻkalamzorlashtirish va zamonaviy infratuzilma yaratish ishlarini moliyalashtirish uchun 5 milliard soʻm mablagʻ ajratiladi.
Pul Toshkent shahar hokimligi huzuridagi Toshkent shahrini rivojlantirish jamgʻarmasi mablagʻlari hisobidan ajratiladi.
Ajratilgan mablagʻlarning ijrosi boʻyicha Xalq deputatlari Toshkent shahr Kengashiga hisobot kiritiladi. Qaror ijrosini nazorat qilish shahar hokimining birinchi oʻrinbosari D.Xudaybergenov zimmasiga yuklatilgan.
