Abduqodir Husanovning transfer narxi 50 million yevroga yetdi
Husanovning qiymati qariyb 43 foizga oshdi. Bu esa avvalgi narxiga nisbatan 1,4 barobar oʻsishni anglatadi.
Abduqodir Husanovning transfer narxi 50 million yevroga yetdi.
Transfermarkt portaliga koʻra, futbol boʻyicha Oʻzbekiston terma jamoasi va “Manchester Siti” himoyachisi Abduqodir Husanovning transfer narxi 15 million yevroga koʻtarilib, 50 million yevroga yetdi.
Buning natijasida Husanov Osiyoning eng qimmatbaho futbolchisi hamda Angliya Premer-ligasidagi eng qimmat postsovet makoni vakiliga aylandi.
Shu tariqa, Husanovning qiymati qariyb 43 foizga oshdi. Bu esa avvalgi narxiga nisbatan 1,4 barobar oʻsishni anglatadi.
Oʻzbekistonlik himoyachining narxi soʻnggi mavsumdagi barqaror oʻyinlari va "Manchester Siti" safidagi ishonchli harakatlari ortidan oshirildi. Yangi baho bilan Husanov ayni paytda Osiyo qitʼasining eng qimmat futbolchisi boʻlib turibdi.
