OAV: BMT yirik moliyaviy inqiroz ostonasida turibdi
Bunga asosiy donorlar boʻlgan AQSh va Xitoyning toʻlovlarni kechiktirgani sabab boʻlgan.
The Wall Street Journal gazetasining xabar berishicha, Birlashgan Millatlar Tashkiloti ulkan moliyaviy inqiroz yoqasida turibdi.
Chunki Qoʻshma Shtatlar va Xitoy (bu byudjet daromadlarining 42 foizini tashkil qiladi) toʻlovlarni kechiktirmoqda. BMTning maʼlum qilishicha, agar vaziyat shunday davom etsa, avgust oyining oʻrtalariga kelib mablagʻ tugab qoladi.
OAVga koʻra, Qoʻshma Shtatlar tashkilotga 4 milliard dollar qarzdor. Donald Tramp maʼmuriyati isrofgarchilikka qarshi kurash doirasida Jahon sogʻliqni saqlash tashkiloti (JSST) kabi oʻnlab BMT dasturlaridan chiqib ketdi. Vashington oʻzining doimiy yordamini xarajatlarni qisqartirishga, jumladan, xodimlarni qisqartirishga va mashina tarjimasini joriy etishga bogʻlamoqda, deb taʼkidlaydi nashr.
BMTning ikkinchi yirik donori boʻlgan Xitoy oʻzini tashkilotning asosiy himoyachisi va "moliyaviy hissalar boʻyicha amalda yetakchi" deb ataydi, deb taʼkidlaydi WSJ. Ayni paytda uning qarzi 455 million dollarga yetadi. Pekin oʻzining moliyaviy majburiyatlarini bajarishga vaʼda bermoqda.
Jurnalistlarning fikriga koʻra, BMT xodimlarining maoshlari uning xarajatlarining taxminan 70 foizini tashkil qiladi. Shu bilan birga, tashkilot allaqachon sezilarli darajada xarajatlarni qisqartirishni amalga oshirgan.
Jurnalistlarning soʻzlariga koʻra, kotibiyat baʼzi ofislarni yopdi, 3000 ta lavozimni bekor qildi va tarjimonlarning ish vaqtini qisqartirdi.
