Namanganda 23 yoshli yigit suvda oqib ketdi
Hodisa 28 may kuni sodir boʻlgan. Mazkur holat yuzasidan Pop tumani prokuraturasi tomonidan tergovga qadar tekshiruv harakatlari boshlandi.
Namanganda 23 yoshli yigit suvda oqib ketdi, uning jasadi qidirilmoqda.
2026 yil 28 may kuni 23 yoshli yigit qarindoshlari bilan birgalikda Pop tumanida joylashgan dam olish maskaniga kelib, u yerdan oqib oʻtuvchi "Chodaksoy" soyiga choʻmilish maqsadida tushgan.
Ehtiyotsizligi oqibatida u suvda choʻkib ketib, qayta chiqmagan.
Mazkur holat yuzasidan Pop tumani prokuraturasi tomonidan tergovga qadar tekshiruv harakatlari olib borilmoqda.
Tekshiruv doirasida tuman Favqulodda vaziyatlar boʻlimining qutqaruvchilari jalb etilgan holda suvga choʻkib ketgan yigitni qidirib topish ishlari amalga oshirilmoqda.
