Giyohvand moddalar savdosida ayblangan shaxs AQShdan Oʻzbekistonga deportatsiya qilindi
37 yoshli fuqaro Nyu-Yorkda hibsga olingan.
Ichki ishlar vazirligi matbuot xizmati xabar berishicha, 2023 yildan beri qidiruvda boʻlgan fuqaro AQShdan Oʻzbekistonga deportatsiya qilindi.
Vazirlik maʼlumotlariga koʻra, 37 yoshli Oʻzbekiston fuqarosi Nyu-Yorkda hibsga olingan.
2023 yilda Oʻzbekiston Jinoyat kodeksining 276-moddasi 2-qismi - giyohvand moddalar, ularning analoglari yoki psixotrop moddalarni sotish niyatida boʻlmagan holda noqonuniy ishlab chiqarish, sotib olish, saqlash va boshqa harakatlar bilan bogʻliq jinoyatni sodir etganlikda gumon qilinib, qidiruvda boʻlgan.
Hibsga olinganidan soʻng, fuqaro belgilangan tartibda Oʻzbekistonga deportatsiya qilindi.
