Toshkent viloyatida mahalla raisi va kadastr muhandisi ushlandi
Ular davlat zaxirasidagi 10 sotix yer maydonini xaridorga 20 ming AQSh dollariga sotishga kelishgan.
Davlat zaxirasidagi yerni noqonuniy sotmoqchi boʻlganlar ushlandi.
Toshkent viloyati Parkent tumanidagi mahalla fuqarolar yigʻinlaridan birining raisi va 1970 y.t. shaxs davlat zaxirasidagi 10 sotix yer maydonini xaridorga 20 ming AQSh dollariga sotishga kelishgan. Ular Davlat kadastrlari palatasining tuman filiali muhandisiga 2-3 ming dollar berish orqali yerning tegishli hujjatlarini rasmiylashtirib berishni aytishadi.
Davlat xavfsizlik xizmati xodimlari tomonidan Iqtisodiy jinoyatlarga qarshi kurashish departamenti va Ichki ishlar organlari bilan hamkorlikda oʻtkazilgan tezkor tadbirda mahalla raisi, kadastr muhandisi hamda 1970 y.t. fuqaro 17 ming AQSh dollari va 37 mln soʻm olgan vaqtlarida ushlandi.
Hozirda ularga nisbatan jinoyat ishi qoʻzgʻatilib, tergov harakatlari olib borilmoqda.
