"Arsenal" muddatidan avval Angliya chempioniga aylandi
Londonliklarning eng yaqin taʼqibchisi “Manchester Siti” APLning 37-tur bahsida “Bornmut” bilan durang qayd etdi.
Londonning "Arsenal" klubi muddatidan avval Angliya chempioniga aylandi.
Klubning yaqin taʼqibchisi “Manchester Siti” APLning 37-tur bahsida “Bornmut” bilan durang qayd etgani (1:1) sabab endi ular “Arsenal”ga yeta olishmaydi. “Toʻpchilar” 82 ochko bilan muddatidan avval APL gʻolibiga aylanishdi.
“Arsenal” oxirgi marta 2003/04 mavsumda Angliya chempionatida tengsiz boʻlgan edi.
Oʻzbekistonlik Abduqodir Husanov “Manchester Siti” bilan birga APL kumush medallariga ega chiqdi.
"Arsenal" shuningdek, YeChLda gʻalaba qozonish imkoniyatini ham saqlab turibdi, jamoa 30 may kuni PSJga qarshi finalda oʻynaydi.
