Andijonda “Energosavdo” yuriskonsulti qoʻlga olindi
U elektr energiyasidan notoʻgʻri foydalanish boʻyicha hisoblangan moddiy zararni bartaraf etib berish evaziga pora soʻragan.
“Energosavdo” yuriskonsultiga nisbatan jinoyat ishi qoʻzgʻatildi.
“Hududiy elektr tarmoqlari” AJning “Energosavdo” filiali Andijon boʻlinmasi yetakchi yuriskonsulti pishloq ishlab chiqarish bilan shugʻullanuvchi MChJga nisbatan rasmiylashtirilgan dalolatnomaga koʻra, elektr energiyasidan notoʻgʻri foydalanish boʻyicha hisoblangan 788,4 mln soʻmlik moddiy zararni bartaraf etib berish evaziga 5 ming AQSh dollari talab qilgan.
Joriy yilning 1 may kuni u soʻralgan pul mablagʻidan 500 AQSh dollarini olgan.
DXX va IJQKD xodimlari hamkorligida oʻtkazilgan tezkor tadbirda u qolgan 4500 AQSh dollarini olgan vaqtida ashyoviy dalillar bilan ushlandi.
Hozirda yuriskonsultga nisbatan jinoyat ishi qoʻzgʻatilib, tergov harakatlari olib borilmoqda.
