Shavkat Mirziyoyev Hindiston rahbariyatiga taʼziya bildirdi
Uttar-Pradesh shtatida kuzatilgan kuchli yogʻingarchilik va boʻron oqibatida kamida 111 kishi halok boʻldi.
Oʻzbekiston Respublikasi Prezidenti Shavkat Mirziyoyev Hindiston Respublikasi Prezidenti Draupadi Murmu va Bosh vaziri Narendra Modiga taʼziya maktubi yoʻlladi.
Uttar-Pradesh shtatida kuchli yogʻingarchilik va boʻron oqibatida koʻplab insonlar halok boʻlgani va jiddiy jarohat oldi.
Davlatimiz rahbari qurbon boʻlganlarning oila aʼzolari va yaqinlariga chuqur hamdardlik izhor etdi, jarohat olganlar tez fursatda sogʻayib ketishini tiladi.
13 may kuni kechqurun Hindistonda kuchli boʻron kuzatildi. Shamol tezligi soatiga 100 kilometrdan oshdi.
Boʻron daraxtlarni agʻdarib tashladi, reklama inshootlarini vayron qildi, uylar va infratuzilmaga zarar yetkazdi.
Soʻnggi maʼlumotlarga koʻra, qurbonlar soni 111 kishiga yetdi, yana 72 kishi jarohat oldi.
