25 maydan Prezident maktablariga qabul boshlanadi
Hujjat topshirish 14 iyunga qadar onlayn shaklda amalga oshiriladi.
Ixtisoslashtirilgan taʼlim muassasalari agentligi tizimidagi Prezident maktablariga 2026/2027-oʻquv yili uchun hujjatlar qabuli 25 maydan – 14 iyunga qadar topshiriladi.
Hujjat topshirish onlayn shaklda my.gov.uz hamda ariza.piima.uz saytlari orqali amalga oshiriladi.
Prezident maktablariga qanday hujjatlar talab etiladi?
Prezident maktablariga ariza topshirish uchun oʻquvchilarning:
-oxirgi 2 oy davomida tushgan fotosurati,
-tugʻilganlik haqida guvohnomasi (yaʼni metrikasi),
- tegishli oʻquv yili natijalariga koʻra baholar tabelining maktab direktori tomonidan tasdiqlangan nusxasi yoki QR-kod bilan tasdiqlangan elektron tabel,
- ota-onasi (qonuniy vakili)ning fuqarolik pasporti maʼlumotlari,
- bogʻlanish uchun telefon raqamlari talab qilinadi.
Talabgorning baholar tabelidagi matematika va tabiatshunoslik fanlaridan 4-sinfdagi yillik baholari “5” (aʼlo) boʻlishi lozim.
Prezident maktablariga nechanchi sinfdan qabul qilinadi?
Prezident maktablariga 4-sinfni tugatgan oʻquvchilar 5-sinfga qabul qilinadi.
