Xorazmda MIB xodimiga nisbatan jinoyat ishi ochildi
U yer va mol-mulk soliqlari qarzini mansabdor tanishlari orqali bartaraf qilib berish evaziga pora olgan.
Xorazmda MIB xodimiga nisbatan jinoyat ishi qoʻzgʻatildi.
Majburiy ijro byurosining Xiva tuman boʻlimi davlat ijrochisi xizmat mavqeidan foydalanmoqchi boʻlgan. U boʻlim ish yurituvidagi ijro ishi boʻyicha 1995 y.t. fuqarodan undirilishi lozim boʻlgan 4 mln 526 ming soʻm soliq qarzdorligini, shuningdek, unga va uning otasiga nisbatan hisoblangan jami 22 mln 822 ming soʻm yer va mol-mulk soliqlarini mansabdor tanishlari orqali bartaraf qilib berishni vaʼda qilgan. Evaziga 1500 AQSh dollari olgan vaqtida Davlat xavfsizlik xizmati xodimlari tomonidan ashyoviy dalillar bilan ushlandi.
Hozirda unga nisbatan jinoyat ishi qoʻzgʻatilib, tergov harakatlari olib borilmoqda.
Avvalroq Fargʻonada mashina gʻildiraklari orasidan qariyb 20 kg narkotik topilgandi.
