Toshkentda bank xodimlari fuqaroning 500 ming dollar omonatini oʻzlashtirib yuborgani aniqlandi
Bosh prokuratura huzuridagi Departamentning Uchtepa tumani boʻlimi tomonidan tergovga qadar tekshiruv oʻtkazilgan.
Omonat pullarni oʻzlashtirgan bank xodimlari fosh etildi.
Bosh prokuratura huzuridagi Departamentning Uchtepa tumani boʻlimi tomonidan tergovga qadar tekshiruv oʻtkazilgan.
Unda tijorat bankining masʼul shaxslari fuqaro I.M.ning bank omonatiga qoʻygan 500 000 AQSh dollarini soxta hujjatlar asosida qoʻlga kiritib, oʻzlashtirish yoʻli bilan talon-toroj qilganliklari aniqlangan.
Mazkur holat yuzasidan Jinoyat Kodeksining 167-moddasi (oʻzlashtirish yoki rastrata yoʻli bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qoʻzgʻatilib, tergov harakatlari oʻtkazilmoqda.
