Soliq qoʻmitasi savdoda plastik kartalar orqali oʻtkazmalarni tekshirishni boshladi
P2P operatsiyalari orqali tushgan ayrim daromadlar soliq hisobotlarida aks ettirilmasligi natijasida davlat byudjetiga tegishli tushumlar toʻliq shakllanmay qolgan.
Soliq qoʻmitasi savdo obʼektlarida plastik kartalar orqali oʻtkazmalarni tekshirishni boshladi.
Ayni paytda soliq organlari tomonidan savdo faoliyati bilan shugʻullanuvchi ayrim xoʻjalik yurituvchi subʼektlarda savdo amaliyotlari P2P— plastik kartadan plastik kartaga pul oʻtkazmalari orqali amalga oshirilayotgan holatlar tahlil qilinmoqda.
Bunday operatsiyalar orqali tushgan ayrim daromadlar soliq hisobotlarida aks ettirilmasligi natijasida davlat byudjetiga tegishli tushumlar toʻliq shakllanmay qolayotgani aytilgan.
Shu munosabat bilan soliq organlari tomonidan yuridik shaxslarda faoliyat yurituvchi rahbar xodimlarning bank plastik kartalariga kelib tushgan mablagʻlar yuzasidan tahliliy oʻrganishlar olib borilmoqda.
Aniqlangan holatlar asosida soliq hisobotlarida aks ettirilmagan daromadlar boʻyicha tegishli choralar koʻrilmoqda hamda soliq toʻlovchilarga xabarnomalar yuborilmoqda.
"Soliq organlari barcha tadbirkorlik subʼektlarini amaldagi qonunchilikka qatʼiy rioya qilishga, savdo tushumlarini toʻliq rasmiylashtirishga va soliq hisobotlarida haqqoniy aks ettirishga chaqiradi", deyiladi xabarda.
