Oybek Ashurov Surxondaryo viloyati hokimi oʻrinbosari etib tayinlandi
Viloyat hokimining avvalgi oʻrinbosari Ilhom Saparov Jarqoʻrgʻon tumani hokimi etib tayinlangan.
Surxondaryo viloyati hokimiga yangi oʻrinbosar tayinlandi.
Ashurov Oybek Qurbonovich Surxondaryo viloyati hokimining Yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari lavozimiga tayinlandi.
Oybek Ashurov 1988 yil Sherobod tumanida tugʻilgan. 2011 yilda Ichki ishlar vazirligi akademiyasini tamomlagan. Maʼlumoti boʻyicha mutaxassisligi – huquqshunos. Malaka darajasi — 3-darajali xizmatchi.
U mehnat faoliyati davomida turli yillarda Sherobod va Shoʻrchi tumanlari hokimliklarida turli vazifalarda, xususan, hokim oʻrinbosari lavozimida, shuningdek, Surxondaryo viloyati hokimligi Ijro nazorati boʻlimi boshligʻi lavozimida mehnat qilgan.
Mazkur lavozimga tayinlovga qadar Surxondaryo viloyati hokimligi Ijro apparati rahbari lavozimida faoliyat yuritib kelayotgan edi.
Maʼlumot uchun, viloyat hokimining avvalgi oʻrinbosari Ilhom Saparov Jarqoʻrgʻon tumani hokimi etib tayinlangan.
