Tramp Kubaga hujum qilmasligini bildirdi

AQSh prezidenti Donald Tramp Kubaga bostirib kirish rejasi yoʻqligini aytdi. Bu haqda Braziliya prezidenti Luis Inasio Lula da Silva Oq uyda Tramp bilan uchrashuvdan soʻng maʼlum qildi, deb xabar beradi The Hill.

"Men uning (Trampning) Kubaga bostirib kirish niyati yoʻqligini aytganini eshitdim. Tarjimon aynan shuni yetkazdi", dedi Lula da Silva matbuot anjumanida.

Braziliya prezidenti buni Trampning "ajoyib fazilati" deb atadi va Kuba muloqotga tayyorligini namoyish etganini taʼkidladi.

Soʻnggi bir necha oy ichida Tramp Erondagi operatsiya tugaganidan keyin navbat Kubaga kelishini bir necha bor taʼkidlagan.

Xususan, mart oyi boshida Amerika prezidenti orol hukumatining "qulashini" taʼminlashga vaʼda bergan edi.

2 may kuni Tramp AQSh Kubaga aviatashuvchi kema yuborishi va uni "deyarli darhol" nazoratga olishi mumkinligini aytdi. U "Kubada muammolar bor"ligini taʼkidladi va ularni hal qilishga vaʼda berdi.

Aprel oyining oʻrtalarida USA Today manbalarga tayanib, agar AQSh prezidenti shunday buyruq chiqarsa, Pentagon Kubada harbiy operatsiyalarga tayyorgarlik koʻrishni boshlaganini xabar qildi. 2 may kuni Politico Tramp maʼmuriyati Kubada kuch ishlatishni koʻrib chiqayotgani, ammo diplomatiya asosiy masala boʻlib qolayotganini xabar qildi.