Tahlil: naqdsiz oldi-sotdi islohoti ijara narxlariga kuchli taʼsir etmadi

Vazirlar Mahkamasi huzuridagi Makroiqtisodiy va hududiy tadqiqotlar instituti (MHTI) tomonidan Toshkent shahridagi uy-joy ijara bozori OLX platformasidan yigʻilgan 1,7 milliondan ortiq eʼlonlar asosida tahlil qilindi.

2026 yil 1 apreldan uy-joy oldi-sotdisida hisob-kitoblar naqdsiz shaklga oʻtdi. Tahlilga koʻra, bu oʻzgarish ijara bozorida darhol kuchli narx sakrashiga olib kelmadi.

Umumiy median ijara narxi:

2026 yil mart: $550

2026 yil aprel: $550

Oylik oʻzgarish: 0%

2025 yil aprelga nisbatan: 0%

Eʼlonlar sonida ham keskin burilish kuzatilmadi:

2026 yil yanvar-mart oʻrtacha: 22,6 ming

2026 yil aprel: 22,8 ming

Oʻzgarish: +0,8%

Xonalar kesimida esa bozor ancha farqli harakat qilmoqda:

1 xonali: $400, yillik oʻsish +14,3%

2 xonali: $550, yillik oʻsish +10,0%

3 xonali: $700, yillik pasayish -12,5%

4+ xonali: $850, yillik pasayish -26,1%

Ijara bozori umumiy koʻrsatkichda barqaror koʻrinsa-da, talab 1-2 xonali va nisbatan arzonroq segmentlarga siljimoqda.

Nisbatan qimmat hududlar:

Mirobod: $800

Shayxontohur: $750

Yakkasaroy: $700

Nisbatan arzon hududlar:

Bektemir: $390

Sergeli: $400

Uchtepa: $400

Eng yaxshi ijobiy dinamika:

Olmazor: +12,5%

Mirzo Ulugʻbek: +9,1%

Premium hududlarda narxlarda yumshash:

Shayxontohur: -25,0%

Mirobod: -11,1%

Yakkasaroy: -6,7%

Xulosa:

Investorlar uchun: naqdsiz oldi-sotdi islohoti hozircha ijara narxlari sakrashiga olib kelmagan va ijara bozorida spekulyativ qayta baholashdan qochish lozim.

Ijarachilar uchun: 3-4+ xonali uylar boʻyicha muzokara imkoniyati oshgan, kichik segmentda esa tez qaror qabul qilish kerak.

Mulkdorlar uchun: narxlar shahar medianasiga emas, xona soni va hududga qarab belgilanmoqda.

Tahlillar OLX ochiq eʼlonlari asosida tayyorlandi. 2026 yil aprel oyi islohotdan keyingi birinchi oy boʻlgani uchun, yakuniy taʼsirni baholashda 2026-yil 2-3-choraklardagi tendensiyalar monitoringi muhim.