Raqamli texnologiyalar vaziriga birinchi oʻrinbosar tayinlandi
Ayubxon Sultonov Prezident Administratsiyasida moliyaviy texnologiyalar, raqamlashtirish va sunʼiy intellekt departamentida faoliyat olib borgan.
Raqamli texnologiyalar vaziriga birinchi oʻrinbosar tayinlandi.
Oʻzbekiston Respublikasi Prezidentining qaroriga asosan, Sultonov Ayubxon Orifxon oʻgʻli Raqamli texnologiyalar vazirining birinchi oʻrinbosari lavozimiga tayinlandi.
Ayubxon Sultonov Buyuk Britaniyaning Kardiff Metropolitan universitetida tahsil olgan.
Shuningdek, u Raqamli texnologiyalar vazirligida boshqarma boshligʻi hamda Oʻzbekiston Respublikasi Prezidenti Administratsiyasida moliyaviy texnologiyalar, raqamlashtirish va sunʼiy intellekt departamentida faoliyat olib borgan.
Avvalgi oʻrinbosar Olimjon Umarov Bosh vazir kotibiyati rahbarining oʻrinbosari boʻldi.
