PSJ YeChL finaliga yoʻl oldi
Hal qiluvchi oʻyin 31 may kuni Budapeshtda “Arsenal”ga qarshi boʻlib oʻtadi.
Yevropa chempionlar ligasi yarim final javob oʻyinida PSJ jamoasi “Bavariya” mehmoni boʻldi va durang oʻynadi.
Birinchi oʻyindan farqli oʻlaroq bu gal ikkala juftlik ehtiyotkor oʻynadi. Ammo parijliklar oʻyini ancha ishonchli chiqdi.
Uchrashuvning 3-daqiqasida Kvaratsxeliya qanotdan yorib kirib, Dembelega chiroyli pas berdi. “Oltin toʻp” sohibi bunday uzatmani uvol qilmadi va hisobni ochdi. Faqatgina 90+4-daqiqada Keyn hisobni tenglashtirdi.
Birinchi oʻyin bilan solishtirganda jangovarlik u qadar koʻzga tashlanmadi. PSJ hujumda ham, himoyada ham “Bavariya”ni ortda qoldirdi.
Endi 31 may kuni Budapesht shahrida oʻtadigan final oʻyinida “Arsenal” va PSJ oʻzaro kuch sinashadi.
YeChL, yarim final, javob oʻyini
“Bavariya” – PSJ 1:1 (birinchi oʻyin 4:5)
Gol: Keyn 90+4 - Dembele 3.
